--- زجل مغربي--- الموجوع

يالي تبات مخاوي ضي الشّموع
دمعة على دمعة و حقك في الدنيا ضايع
تبكي من قهر القسوة و القلب موجوع
و تكابد الهموم و شر الطبايع
فاعل الشر فعلو ليه مرجوع
واخا يبات ينج فالخدايع
شرو على وجهو ديما مطبوع
و فعلو بين الناس خبارو شايع
ياكل ما يشبع و بالطمع مضبوع
و كلامو سيف مسموم و شرو قاطع
تلقاه يحب المال و بالدنيا مولوع
و لو يجمع من الذهب بالقناطر
مسكين و إن كبر و تغنى مخدوع
تايه في الدنيا و عقلو طاير
جاهل الخير الرجا منو مقطوع
فعلو محرم في السّنّة و الشرايع
من يؤدي الخلق باب الرحمة عليه ممنوع
مغرور بشرو و ما يقدر يتراجع
خلي أمرك لربك ليه الرجوع
سبحانو خالق الوجود و زين الصنايع

خديجة بلعوج
البيضاء في
24.06.2010
س 10 و 27 د