المظـلوم
ليك الله يا لي ظلموك
أنا اللي حسيت بنارك
شهدو فيك زور و تهموك
و الظلمة غطات نهارك
***
حتى أنا ظلموني الناس
فيوم كنت غافل بحالك
رماوني بالباطل بلا ساس
و صابني حتى أنا ما صابك
***
الدموع تحجرت في عيني
و قلبي وجعاتو الكية
من فعال قلالين النية
***
شهودهم فالنار لاحوني
واخا عمرهم ما عرفوني
قدام الخلق شنعوني
الله يكون في عوني
***
يا ربي أنت وحدك العالم
قادر تمحي حجة الظالم
وتداوي جرحي و ما بي
خديجة بلعوج
2008مارس
Aucun commentaire:
Enregistrer un commentaire