Tir Lamgharrab ( Zajal )

الطير المغرب
الطير المغرب شحال قاسى
من عذاب الغربة علا و عسى
يرجع و يبني عش جديد
و يسعد مع حبابو يوم العيد
========
الطير المغرب قال لي
توحشت بلادي و والدي
و خوتي و صحابي و اللي لي
و اتاي و البراد و الصينية
===========
حنيت للطبيعة المغربية
الجبال العالية و رمال الصحراء الذهبية
بحار و شلالات و أودية
المواسم و الأعراس بالفروسية
==========
ارض الخير و الرزق و التيسير
بلاد العز و الفضل الكبير
أصالة و كرم الضيافة
و ناسها تاريخ و أمجاد و لطافة
==========
الطير المغرب كان حزين
غيابو كان مسطر على الجبين
جناحو مكسور من الحنين
تمنى يرجع لبلادو في الحين
==========
قلت لو يا طير واش داك
عشك ما زال يتسناك
الوالدين دعواتهم ترعاك
و بلادك عمرها ما تنساك
===========
الفرحة اللي مشات ها هي ولات
و انعم برجوعك و انسى اللي فات
و مع حبابك صل الرحم
راه الوطن بولادو رحيم
خديجة بلعوج
الدار البيضاء
2008 مارس